43
Que lung a lautre prent acces
44
A diuiser de leurs proces
45
Et lautre par estrange guise
46
De son estat et marchandise
47
Lung de son gain lautre du pris
48
Ainsi que vendre la apris
49
Lautre de sa chose achaptee
50
Chacune personne est haictee
51
Illec parler a son deuis
52
Et nest meilleur lieu a deuis
53
Que leglise pour ses quaquetz
54
Tenir. pensant auoir acquetz
55
En ce faisant doffenser dieu
56
Ilz ne craignent point en ce lieu
57
¶Ou lung est dedens le montier
58
Vng homs orgueilleux et entier
59
Si non que pour regarder dames
60
Ces ieunes pucelles et femmes
61
Et en dire ce quil en pense
62
Par sa mauldite oultrecuidance
63
Lautre sans nulle fiction
64
Nya point de deuocion
65
Mais seullement va par coustume
66
Comme ces chiens qui se coustume
67
Au montier aller ou a la messe
68
Ceulx cy y font bien telle presse
69
Les aultres comme en grant despit
70
Font de leurs piedz vng grant strepit
71
De ses pantofles et galloches
72
Aussi grant quasi que les cloches
73
Au moyen de quoy dissippez
74
Sont par ses grans anticipez
75
Diuins seruices et retardez
76
Maintesfois les ay regardez
77
En leurs contenances parfaire
78
¶O durs gens et de mal affaire
79
Tous plains de fureurs et de raiges
80
Comment auez vous les couraiges
81
Tant de folies exercer
82
Helas vous deuriez penser
83
Que dieu nous a laisse exemple
84
En ce monde escript bien ample
85
Quen ce lieu aucune laidure
86
Soueillure orde qui lait dure
87
Ne chose de mondanite
88
Ou de lhomme la vanite
89
Ne doit estre illec posee
90
Mais la volunte disposee
91
De nous auoir et en cest estre
92
De prier ihesus nostre maistre
93
Dung couraige deuot seruant
94
Quil nous octroye que deuant
95
Luy nostre ame soit pardon face
96
Et que le voions face a face
97
En sa grant maieste haultaine
98
Auec anges en son domaine
99
¶Entrons doncques en sa maison
100
Pour a luy faire oraison
101
Qui est ad ce faire ordonnee
102
Ihesucrist belle ordre donnee
103
Nous a quant gecta les marchans
104
Qui pour vendre aloient marchans
105
Dedens son saint temple sacre
106
Et leur monstra que mal a gre
107
Luy estoit en son temple vendre
108
Et ses sacrifices despendre
109
¶Le lieu du temple est pour honnourer
110
Dieu et ses haultz sainctz decorer
111
Mais si auois bien entrepris
112
Et propose en ton pourpris
113
Doster ces gens de mal exemple
114
Tous ces baueurs du diuin temple
115
Faire vuider tous les mauluais
116
Tu auroys large chemin et vays
117
Et si les bons demouroient seulz
118
En aurois tresque peu diceulx
119
Qui fussent sans nulle deuise
120
A prier dieu dedens leglise
121
¶Ses parolles non aduenantes
122
Ne sont point a luy consonantes
123
Mais lensens et aultres sacrificez
124
Ses grans faiz et honorificez
125
A luy et a sa grant louange
126
Ses belles oeuures sans nul change
gw5058_084_dresden_g4v
69
In aucten.
vt lice. matri
et auie. in fi.
coll. viii.
Belege

82
Iohan .ii.
Belege

88
Eccle .xxi.
Iohelis .ii.
Psalmus .i.
Marci .xi.
Luce .xix.
Belege