73
Nous remplissons noz corps auernes
74
Grant licherie nous assorte
75
Nul sobriete ne supporte
76
Chacun de ce vice est trouble
77
Nul ne viura sil na du ble
78
Et noz pensees sont inhertes
79
Qui ne quierent que vains exploiz
80
Et rendons noz ames desertes
81
De occiosite et reploix
82
Et corps de luxures imploix
83
Aultres vices auons vng cent
84
Qui fait peche de luy se sent
85
Au moyen de quoy si grant nombre
86
Est de folz par my tout le monde
87
Quen tous quartiers ilz font encombre
88
Leur follie par tout redonde
89
Toute vertuz et chose munde
90
Contaminent de grant follie
91
Tousiours le fol de mal se allie
92
Dont les vngz cuydent bien sauens
93
Estre saiges et fors discretz
94
Et les aultres sont plain de vens
95
Qui ne sauent loix ne decretz
96
Toutesfois sont en eulx concretz
97
Et par ce moyen folz tousiours
98
Mal faire nous nuyst tous les iours
99
Telles gens vous ne deuez croire
100
Insciens et oultrecuydez
101
Qui sont rempliz de vaine gloire
102
Et toutesfois bons les cuydez
103
De bon sens ilz sont tous vuidez
104
Et se reputent haultz et saiges
105
Gardez vous bien de leurs passaiges
106
Or doncques tous les loyaulx bons
107
Auront leurs loyers et desertes
108
Et les folz de peruers regnons
109
Seront descriptz selon leurs sertes
110
Nous voulons par voyes appertes
111
Bailler a chacun son bon loz
112
Mal fait laisser la chair pour los
113
Par mes fictions dresseray
114
Sur mer classicques et nauires
115
De cordages les freteray
116
De hunes de voiles et vires
117
De bicoquetz aussi dauires
118
y aura par grant multitude
119
Le bien faisant a bonne estude
120
Les prendray de diuers pays
121
Ou regneront tous les humains
122
Des bons ou des mauluais hais
123
Aueuglez malades ou sains
124
Et les bastiray de mes mains
125
Tant que ie viuray et sans cesse
126
Vertuz est treshaulte princesse
127
Aussi mest il bien necessaire
128
Car ya tant dinnumerables
129
Follatis de peruers affaire
130
Qui font des maulx irreparables
131
En mes vers qui sont numerables
numerables ] numerablee GW5058
132
Ne peuuent estre tous descriptz
133
Qui ayme dieu tient ses escriptz
134
En si grant nombre ses folz courent
135
Lesquelz viuent au monde et sont
136
A venir a noz nefz discourent
137
De tel roideur quilz se defont
138
Leur pie se blesse et tout se fond
139
Pour venir a nostre nauire
140
Tel cuide estre bien seur qui vire
141
Et quant ie pense leurs molestes
142
Leurs follies et maulx grigneurs
143
Plus en ya que de ces bestes
144
Qui portent fleurs plains de liqueurs
145
Brief tant court de folles erreurs
146
Que tout en est plain le vaisseau
147
Sans lectre vault bien peu le seau
gw5058_007_dresden_a4r