C C viii
4
Dede heft dunne vnde wyde oren
5
Nicht holt men den vor eynen redeliken man
6
De eynen wyl torugge anghaen
7
Gheuen em denne so den slach
8
Er he syk vor em gheweren mach
9
Auer . de nu achter rugge spreken kan
10
Vnde sus beseggen mannigen man
11
Vnde setten dar to eynes narren nucke
12
Dat schal nu syn eynes meysters stucke
13
Dat men nicht lichtlyk vorsetten kan
14
Dyt kan nu dryuen mannich man
15
Myt achtersprake . affnemynge der ere
16
Vorraden . vnde sus der ghelyken mere
17
Dat kan men bestedigen myt valschen legen
18
Dar myt men moghe desto beth bedregen
19
Vnde schaffent . dat men des gheloue des to ere
20
Den anderen deel . horet men nicht meer
21
Eyn ordel sus ouer mannigem ghad
22
De syk noch ne vorantword had
23
Er syne vnschult recht wert gheproft
24
Js he in deme sacke . vorretlyken vorkoft
25
Alse Mardocheo van Aman gheschach
gw5053_stockholm_415_M4r