C xc
91
Hoer hofard . yd kumpt dy de stunde
92
Dattu sprickst vth dynem egen munde
93
Wat brynget myn hoger mod my in
94
De ik hir sytte in ewyger pyn
95
Wat helpet my gelt . gud vnde rykedom
96
Wat helpet der werlde ere vnde roem
97
Dat ik men kort hebbe angheseen
98
Ogenblycklyk is yd nu dar hen
99
Wo salich is he de dyt heft voracht
100
Vnde vppe god den ewygen schat betracht
101
Nicht duncket eynem narren hir so hoch
102
Jd felt myt em to deme lesten doch
103
Vorvth de schentlyke sundige hochfart
104
De heft an erer natur vnde ard
105
Se warp aff van deme hemmel snelle
106
Den hogesten engel deep in de helle
107
Se brachte vth deme paradys den ersten man
108
Se kan nicht lange vp erden bestan
109
Se mod yummer soͤken eren stoel
110
By lucifer in der hellen poel
111
Dar vyndet se den de se heft bedacht
112
Homod is draden tor hellen ghebracht
gw5053_stockholm_379_J4r