C xlvi
1
¶ De ist eyn narre . de vele kyuet
2
Vnde gern lange in tweydracht blyuet
3
Ghelyk eynem hunde van syk belt
4
Vnde myt gude neen dinck affstelt
5
Kyuet vnde sprickt yegen de rechticheyt
6
Dar mede de sake wert . wyd vnde breyd
7
Deyt deme rechte eynen hoyken vm
8
Vnde boͤget dat vaken scheef vnde krum
9
Gherade eft yd sy eyne wassene nese
10
Wat men ok secht . men synge . men lese
11
Efte men en ok byddet efte bant
12
Dat holt he alle vor eyn taut
13
Alto malen wyl he yd wagen
14
So moet men doch int leste dagen
15
Vnde behouet denne . schriuer vnde vormunder
16
Eynen kostlyken vorspraken ok bysunder
17
De konen de sake denne wyd vthbreyden
18
Vnde er gharn na deme wyltbrede vthspreyden
19
Se maken de sake strypet vnde bunt
20
Vnde maken vth deme lode eyn punt
21
So setten se vp der narren huuen
22
Vnde konen de sake na vordel kluuen
gw5053_stockholm_291_B2r