23
Achor behelt dat nicht was syn
24
Vnde brachte dar vmme dat volk in pyn
25
He krech dat he nicht hadde ghemeent
26
Vnde wart dar vmme yammerlyken ghesteent
27
We vp syk nympt eyne kleyne borde
28
De neme eyne grotter wan se em worde
29
Dede nympt eyn swyn efte eyne ko
30
De neme ok wol eyn perd dar tho
31
Dyn herte mach so wesen in dyk
32
Vynden vnde rouen achtet god al ghelyk
33
Beter eyn dynck vnghevunden blyft
34
Men dat men den fund nicht wedder ghyft
35
Mannich vyndet eyn dynck kleyn eft groet
36
Vnde vyndet dar mede synen eghen doet
37
Alse eyns eyneme klusener gheschach
38
De vant eynen schat . do he den sach
39
He reep lude to den suluen stunden
40
We my ik hebbe den doet ghevunden
41
Eyn reysyger knape den wech henne ghynck
42
Desse sloch doet den eynsedelynck
43
Dat he den schat wolde beholden alleyn
44
Dat he en nicht dorfte deelen ghemeyn
gw5053_stockholm_114_k3v